هل اتكعبلت قبل كده على النت أو في مكتبة في أجندة حلوة جدًا وقولت في بالك “الله دي حلوة أوي بس ياريت لو كان فيها صفحة لكذا أو كذا”؟ أو جربت ياما ترتب وقتك على أبليكيشنز بالعبيط وكنت بتنزلهم وتستخدمهم يوم والتاني وبعدها بخ ولا كأنك نزلت أي حاجة وترجع زي ما كنت؟ أو بتحتار إيه الابليكيشن المناسب لترتيب وقتك ومهامك وشغلك والمشاوير وأمور البيت والعيلة والمواعيد والشغل والإيميلات اللي عاوز ترتبها والكتب اللي عاوز تقراها والتمرينات اللي عاوز تلعبها والوصفات اللي عاوز تجربها والمطاعم اللي عاوز تروحها واصحابك اللي بقالك كتير مقابلتهمش و….و ….و …؟

كل ده ممكن يتحل بطريقة جديدة في تدوين الملاحظات وترتيب الوقت والمهام وكل الحاجات اللي عاوز تفضل واخد بالك منها في حياتك من أول صحتك لحد الكتب اللي عاوز تقراها.

الطريقة دي ممكن يستخدمها أي حد، وممكن تناسب أي حد، خصوصًا:

  • اللي بيحبوا يستخدموا الورقة والقلم
  • اللي بيحبوا الأجندات والستيشنري Stationary
  • اللي بيحبوا يرسموا
  • اللي ماشيين في حياتهم وفيه طول الوقت أهداف عاوزين يحققوها
  • اللي بيشتغلوا في أكتر من حاجه
  • اللي دايمًا على بالهم أكتر من حاجة محتاجه تتعمل
  • اللي عندهم مشكلة في ترتيب أولوياتهم
  • اللي بيستخدموا أكتر من أبليكيشن أو نوته لترتيب مهامهم بدون فايدة

المهم، إيه هي البوجو (بتعطيش الجيم)؟

هي اختصار لمصطلح Bullet Journal – واللي بيرمز له ببساطة بكلمة BuJo. ودي طريقة لتنظيم المهام والوقت والحياة والتخطيط الشخصي والتدوين اليومي الورقي وأي حاجه ممكن تيجي في بالك، من غير ما تبقي متقيد باسطمبات معدة مسبقًا. يعني إيه؟

يعني بدل ما بتشتري أجندة فيها كل حاجه جاهزة وتبقي نفسك لو كان فيها حاجه زيادة أو جدول لحاجة معينة أو حاجه خاصة بيك عارف إنها عمرها ما هتبقى موجودة، البوجو بتساعدك على ده لإنها ببساطة نظام شديد الخصوصية والشخصية جدًا وبالتالي إنت بتشكلها زي ما انت عاوز.

البوجو نظام نشره وصممه رايدر كارول مصمم منتجات وكان عامله لنفسه خصوصًا وإنه عنده ADD من صغره (فرط الحركة ونقص الانتباه) وببساطة شارك الفكرة مع غيره ومن هنا الفكرة ابتدت تنتشر وبقالها حوالي 3 سنين وأعداد الناس اللي بتستخدم النظام ده في ازدياد لإنه ببساطة سهل التحكم فيه وفي تفاصيله ولإن له جوانب تانية مفيدة زي اليقظة وإيقاظ الحس الفني وحاجات كتير هتكلم عنها بعدين في بوست جاي.

طيب نبدأ منين؟ وشكلها عامل ازاي دي؟

أولًا: البوجو عبارة عن أي كشكول، نوتة، دفتر، مجموعة ورق مدبسه بالدباسة وبتسميه أجندة .. أي دفتر من أي نوع ينفع تستخدمه.

ثانيًا: فيه شوية مصطلحات هنستخدمها في كلامنا عن البوجو ومهم نفهم كل واحد فيهم معناه إيه.

  • مخطط أسبوعي – Weekly log: وده اللي بتكتب فيه المهام والمواعيد اللي محتاج تنجزها في الأسبوع
  • مخطط الشهر – Monthly log: نفس الشيء للشهر
  • مخطط يوم – Daily log: نفس الشيء لليوم
  • المجموعات – Collections: مجموعات ملهاش تاريخ محدد ممكن تبقي تجميعة لوصفات أكل، لقايمة أصدقاء، للكتب اللي عاوز تقراها، الأفلام اللي عاوز تشوفها، الحاجات اللي نفسك تجيبها لنفسك، البلاد اللي عاوز تسافرلها ….إلخ.
  • السجل المستقبلي – Future log: وده بيبقى عبارة عن المواعيد والخطط المستقبلية اللي مش في خلال الشهر/الأسبوع/اليوم الحالي، لكن مهم إننا نسجله عشان نعمل حسابنا لما نيجي لوقته.
  • جدول المتابعة – Tracker: وده جدول أو ما يعادله لمتابعة أي شيء من أول نفقاتك، لحد بتصحى الساعة كام.

ثالثًا: كلاسيكيات البوجو الأساسية:

  • الفهرس: الصفحات 1-4 بتخصصهم للفهرس بتاع البوجو بتاعتك أو Index .. زي ما هو موجود في الصورة اللي تحت. وإضافة لذلك احنا بنرقم كل صفحة في البوجو وإحنا ماشيين فيها، وبنسجل الصفحات في الفهرس، ودي حاجه مش مرهقة زي ما ما هو متوقع، وفيه بعض الدفاتر مترقمة وفيها فهرس بالفعل في البداية، وفيه بعض الطرق للتحايل على موضوع الترقيم باستخدام الألوان هشاركها معاكم في بوست تاني إن شاء الله.

It's basically just like a book index, where you list all the important topics and the corresponding page numbers. When you first start the bullet journal, there probably won't be much on it — you'll go back to the index and add in the topics and the page numbers it as you go. I gave myself two pages for my index, just to be on the safe side.You don't have to put everything in your index, but it's a good place for the important stuff you will likely want to easily reference later. Mine includes DIY projects, work, friends, music, books, and writing. Your index can be as specific as you want it to be. For example, you can create a single entry for 'Travel,' and put all travel-related page numbers there, or you can break things into more specific entries (like 'Texas trip' and 'Vermont trip').
You could number the entire thing at once, but I didn't bother — I just number about 10–20 pages at a time.

  • السجل المستقبلي: وده بنقسم 4 صفحات على الشهور عشان تبقى جاهزه لتسجيل أي مواعيد أو خطط في أي وقت بيتم الرجوع ليه قبل التخطيط لكل شهر.
(You'll continue to use the symbols outlined above to mark the things you add to these pages.)
  • المجموعات: بعد السجل المستقبلي ممكن تضيف المجموعات اللي تحبها حسب اهتماماتك واللي عاوز تخصصله صفحة أو صفحتين مخصوصين ليه. أنا مثلا عامله صفحة للكتب اللي عاوز أقراها وصفحتين للأكلات اللي طبختها وعجبتني، وصفحتين لخطط المدونة بتاعتي والمواضيع اللي عاوزه اكتب فيها السنة دي، وأربع صفحات عشان أكتب فيهم مقتبسات عجبتني من الكتب اللي قريتها أو من الانترنت، وصفحة للحاجات اللي نفسي يومًا ما أجيبها/أعملها، وصفحة للأماكن والبلاد اللي نفسي أزورها وصفحتين للتمارين الرياضية اللي عاوزه اواظب عليها.
And if you decide you want to add one of these pages (or, sorry, MODULES) later on, you can just create them wherever you are in the journal. Just add the page number to your index so you can easily find them later on.
  • المخطط الشهري: وده بياخد أي شكل من الأشكال اللي تحبها، سواء الشكل المعتاد اللي بيبقى في الأجندات أو أي شكل تاني (وهنشر لاحقًا هنا أشكال مختلفة كل فترة لأكتر من حاجه)، لكن الشكل الكلاسيكي للبوجو هو إنك بتكتب أرقام الأيام على الشمال وتكتب جنبها على اليمين الخطط بتاعتك فيه باختصار.
There are tons of cool layouts for these pages (get some inspiration here), but the simplest way to do the monthly calendar is to just list all the dates down the left side of the page. Then you can write in the bigger stuff — travel, birthday, important meetings, etc. If you're using this to replace Google calendar (something that I do not do because I have too many frequently rescheduled work meetings), you may want to do a more calendar-like layout. The monthly task list is for the bigger stuff you want to tackle each month — things like 'make an eye doctor appointment' and 'KonMari sock drawer.' These things do not need dates associated with them. Again, when listing these things, you'll use the 'rapid logging' symbols... so the bullet, the X, the open circle, etc. (This is where the 'migrate' and 'scheduled' symbols really come in handy!)
  • السجل اليومي: وده اللي بتحط فيه كل شيء متعلق باليوم، وده يخلينا نتكلم عن مفتاح البوجو.
Use the bullet symbol next to things you need to do. Write an 'x' over the bullet to mark to-dos that are now complete. (I know this isn't as satisfying as crossing the item off, but it's nice because it leaves the item more visible, which is helpful when you're looking back.) Write the less than symbol (<) over the bullet to show that that task has been scheduled, and write the greater than symbol over it (>) to show that the task has been 'migrated' — AKA you didn't finish it today/this week/this month, so you moved it to another day/week/month's list.Use a dash for quick thoughts, notes, or smaller events. Write an open circle to mark big events.
  • مفتاح البوجو: هو تفسير لمجموعة الرموز اللي بتستخدمها عشان توفر على نفسك وقت وتفهم لوحدك إيه اللي انت كاتبه. (الصورة اللي تحت بتوضح ده أكتر).
If you don't like these symbols, you can experiment with whatever ones suit you.
  • سجل الامتنان اليومي Gratitude log: وده اختياري لكن أغلب الناس اللي بتستخدم البوجو بيستخدموه، وهو إنك بتكتب حاجه إنت شاكر أو ممتن ليها أو لوجودها في حياتك، ودي بالمناسبة مع الوقت بتكتشف حاجات بسيطة جدًا مكنتش مستوعب قد إيه تستحق الشكر والامتنان.

 

  • جدول المتابعة: وده الجدول اللي بيساعدك تتابع أي شيء محتاج متابعة يومية أو أسبوعية زي العادات اللي محتاج تواظب عليها أو تبطلها، زي الرياضة والسجاير والأكل الصحي والصحيان في معاد معين وغيرها.
(TBH, this is where everyone's face lights up because how cool is that layout?! Hat tip to Boho Berry for the inspiration.)When you're setting up your journal, you only need to do the monthly pages for the current month. So in this case, May. You'll create the monthly pages for June on May 31 or June 1. And when you do that, you can re-read your May task list and move any tasks you didn't finish to the June list.

 

ممكن تغيروا من شكل البوجو تمامًا باللي يناسبكم وممكن تلعبوا في الأشكال أو ترسموا وتلونوا وده في نظري أهم من البوجو نفسها لإنها بالنسبالي على المستوى الشخصي تمرين من تمارين اليقظة في ذاتها.

ده مثلًا شكل البوجو في آخر صفحتين عندي (الأزرق ده إيديتنج عشان الخصوصية).

ودي مثلا نوتس بعد كل جلسة therapy بكتبها عشان ابقي فاكره اللي اتكلمنا فيه وإيه اللي ناوية أشتغل عليه أو إيه اللي محتاجه أفتكره وطول الفترة لحد الجلسة اللي بعدها بكتب في الجزء الخاص بالجلسة الجاية عشان ابقي محضرة لو فيه حاجه معينة عاوزه أتكلم فيها. (اللي متلون ده للخصوصية برضه).

بما إن رمضان داخل علينا، لقيت أكتر من براند عاملة نوتبوك لرمضان، بعضها حسيت إنه زحمة جدًا وتفاصيل أكتر من اللي انا عاوزاها وبعضها حسيته مش مناسب، والبعض كان لطيف لكن حسيت إني عاوزه اغير فيه حاجه أو أكتر. وبالتالي فانا قررت إني أخطط لرمضان في البوجو بتاعتي. ودي صور بعض المخططات اللي شايفاها تناسبني، ممكن أي حد يجرب يعمل ده باللي يناسبه هو، وهو ده أحلى ما في البوجو إنها غاية في الشخصية تمامًا وسهل إن أي حد يطوعها لاحتياجاته وأهدافه.

دي صور البوجو بتاعتي في رمضان (أكتر من ديزاين لليوم – بنفس التمبليت):

Welcome Page – صفحة ترحيب

حددت 3 أهداف لرمضان السنة دي ودي الtrackers بتاعتهم، وجنبها ملاحظات إيه اللي نفع وساعدني فيهم وإيه اللي منفعش. كذلك مربعات تخص الدورة الشهرية (Period) لإن زي كل سنة وزي أغلب النساء بننسى كام يوم فطرناهم في رمضان وبالتالي لخبطة في صيام القضاء بتاعهم.

صفحة للأدعية سواء الحاجات اللي عاوزة أدعي بيها أو أدعية قريتها وعاوزة أحتفظ بيها.

  أول يوم كان شكله تقليدي جدًا شبه الأجندات جدًا، معجبنيش غيرت فيه وبعدين وصلت لليوم التالت لقيتني برسم وبلون. اليوم قسمته على ساعات ومعاد كل صلاة في خانة (هنا على شكل لمبة) وفي اللمبة معاد الصلاة ولما أصليها في معادها هلونها بالأخضر ولو فاتتني هلونها بالأحمر. كذلك القيلولة. وعلى اليمين المنيو بتاعة الفطار عشان نعمل حسابها واحنا بنحضر الفطار أو عشان ابقى عارفه لو معزومين نشتري حاجه أو نعمل حاجه في البيت قبل ما نوصل ولو هنطلب دليفري نفس الشيء عشان في رمضان الدليفري لازم يتطلب من بدري. والمساحة الفاضية دي عشان الكتابة عمومًا

 

أخيرًا مش لازم ترسم ولا تلون ولا أي حاجه من كل الكلام ده، يكفي إنك تستخدمها بالطريقة اللي تريحك واللي تجيب نتيجة، والنتيجة هنا إنك بالفعل ترتب حياتك أحسن وتبقي أكثر إنتاجية وتركيز.

 

لو عاوز تقرا اكتر عن البوجو بالعربي اعمل شير للتدوينة دي 🙂